GEOENG
   
 
 საზოგადოებრივი სასამართლო
 
საზოგადოებრივი სასამართლო გულისხმობს თბილისის საქალაქო სასამართლოს დაახლოებას საზოგადოების ფართო წრეებთან, მოქალაქეთა ჩართვას მართლმსაჯულების განხორციელების პროცესში, მათი პრობლემების გადაჭრას და რაც, ყველაზე მთავარია, დანაშაულის პრევენციაზე ზრუნვას. საზოგადოებრივი სასამართლოს დახმარებით შესაძლებელია საზოგადოების სამართებლივ ცნობიერებაში გარდატეხის შეტანა, მოქალაქეთა მართლშეგნების ამაღლება, რაც საშუალებას მიცემს მათ გაცილებით ობიექტურად შეაფასონ სასამართლოში მიმდინარე პროცესები. თავად განსაჯონ თუ რაოდენ დიდ პასუხისმგებლობასთანაა დაკავშირებული გადაწყვეტილების მიღება.
პროექტის ფარგლებში საზოგადოებრივი სასამართლო გაცილებით უფრო ხელმისაწვდომი იქნება მოქალაქეთათვის. შეიქმნება ყველა წინაპირობა, რომ სასამართლოში მოსულ მოქალაქეს, რომელსაც არ აქვს შესაძლებლობა ჰყავდეს დამცველი ან წარმომადგენელი, პროცედურების გამარტივებისა და დახვეწის გზით, თავად შეძლოს თავისი დარღვეული ან სადავოდ ქცეული უფლებების დაცვა. ჩვეულებრივმა რიგითმა მოქალაქეებმა იგრძნონ და ირწმუნონ, რომ სასამართლო მათი უფლებების სადარაჯოზეა და კანონმდებლობის ფარგლებში აუცილებლად გაუწევს საჭირო დახმარებას. 
                                          

21.11.2016
თბილისის საქალაქო სასამართლოს მე-9 საჯარო სკოლის მოსწავლეები სტუმრობდნენ. სასამართლოს მედიასთან და საზოგადოებასთან ურთიერთობის სამსახურმა ბავშვებს მოქალაქეთა მომსახურების ცენტრი და მედიაციის სასესიო ოთახები უჩვენეს. 

ექსკურსიის დასასრულს სკოლის მოსწავლეები სასამართლო სხდომას დაესწრნენ. ნარკოდანაშაულის ჩადენაში ბრალდებულების საქმეს სისხლის სამართლის კოლეგიის მოსამართლე დავით მგელიაშვილი იხილავს. დღევანდელ პროცესზე მხარეებმა დასკვნითი სიტყვები წარუდგინეს სასამართლოს. 

ყველა სასამართლო განხილვა კანონით განსაზღვრული გამონაკლისების გარდა, საჯაროა და მასზე დასწრება 14 წელს მიღწეულს პირებს შეუძლიათ. 
skolaskolaskolaskolaskolaskolaskola
ბეჭდვა
Created By: Pro-Service Copyright © 2008 . All Rights Reserved.