GEOENG
   
 
 საზოგადოებრივი სასამართლო
 
საზოგადოებრივი სასამართლო გულისხმობს თბილისის საქალაქო სასამართლოს დაახლოებას საზოგადოების ფართო წრეებთან, მოქალაქეთა ჩართვას მართლმსაჯულების განხორციელების პროცესში, მათი პრობლემების გადაჭრას და რაც, ყველაზე მთავარია, დანაშაულის პრევენციაზე ზრუნვას. საზოგადოებრივი სასამართლოს დახმარებით შესაძლებელია საზოგადოების სამართებლივ ცნობიერებაში გარდატეხის შეტანა, მოქალაქეთა მართლშეგნების ამაღლება, რაც საშუალებას მიცემს მათ გაცილებით ობიექტურად შეაფასონ სასამართლოში მიმდინარე პროცესები. თავად განსაჯონ თუ რაოდენ დიდ პასუხისმგებლობასთანაა დაკავშირებული გადაწყვეტილების მიღება.
პროექტის ფარგლებში საზოგადოებრივი სასამართლო გაცილებით უფრო ხელმისაწვდომი იქნება მოქალაქეთათვის. შეიქმნება ყველა წინაპირობა, რომ სასამართლოში მოსულ მოქალაქეს, რომელსაც არ აქვს შესაძლებლობა ჰყავდეს დამცველი ან წარმომადგენელი, პროცედურების გამარტივებისა და დახვეწის გზით, თავად შეძლოს თავისი დარღვეული ან სადავოდ ქცეული უფლებების დაცვა. ჩვეულებრივმა რიგითმა მოქალაქეებმა იგრძნონ და ირწმუნონ, რომ სასამართლო მათი უფლებების სადარაჯოზეა და კანონმდებლობის ფარგლებში აუცილებლად გაუწევს საჭირო დახმარებას. 
                                          

10.05.2016
თბილისის საქალაქო სასამართლოს მორიგი გაცნობითი ტურის ფარგლებში ბაქსვუდის საერთაშორისო სკოლის მე-9 კლასის მოსწავლეები ეწვივნენ. სტუმრებს თბილისის საქალაქო სასამართლოს მედიასა და საზოგადოებასთან ურთიერთობის სამსახურის თანამშრომლებმა სასამართლოს შენობა და სხდომის დარბაზები დაათვალიერებინეს. მოსწავლეები ასევე გაეცნენ ელექტრონული საქმის წარმოების პროცესს, მიიღეს ინფორმაცია სასამართლო მედიაციის პროექტის შესახებ და მედიაციის სესიებისთვის განკუთვნილი ოთახებიც მოინახულეს. მოსწავლეებმა დაათვალიერეს ქვეყნის მასშტაბით ყველაზე დიდი, ნაფიც მსაჯულთა სასამართლოსთვის განკუთვნილი სხდომათა დარბაზიც. შეხვედრა კითხვა-პასუხის რეჟიმში წარიმართა. სხვადასხვა პროცესუალური საკითხების გარდა მოსწავლეები დაინტერესდნენ, თუ რა შემთხვევაში შეიძლება გაიმართოს სასამართლო პროცესი ნაფიც მსაჯულთა მონაწილეობით, როგორ ხდება ნაფიცი მსაჯულების შერჩევა და შერჩეული კანდიდატის აცილება.  
 
თბილისის საქალაქო სასამართლო სიამოვნებით უდგას მხარში ახალგაზრდების ინიციატივებს, რაც მათ პროფესიულ წინსვლასა და განვითარებას უკავშირდება.
 

ბეჭდვა
Created By: Pro-Service Copyright © 2008 . All Rights Reserved.