GEOENG
   
 
 საზოგადოებრივი სასამართლო
 
საზოგადოებრივი სასამართლო გულისხმობს თბილისის საქალაქო სასამართლოს დაახლოებას საზოგადოების ფართო წრეებთან, მოქალაქეთა ჩართვას მართლმსაჯულების განხორციელების პროცესში, მათი პრობლემების გადაჭრას და რაც, ყველაზე მთავარია, დანაშაულის პრევენციაზე ზრუნვას. საზოგადოებრივი სასამართლოს დახმარებით შესაძლებელია საზოგადოების სამართებლივ ცნობიერებაში გარდატეხის შეტანა, მოქალაქეთა მართლშეგნების ამაღლება, რაც საშუალებას მიცემს მათ გაცილებით ობიექტურად შეაფასონ სასამართლოში მიმდინარე პროცესები. თავად განსაჯონ თუ რაოდენ დიდ პასუხისმგებლობასთანაა დაკავშირებული გადაწყვეტილების მიღება.
პროექტის ფარგლებში საზოგადოებრივი სასამართლო გაცილებით უფრო ხელმისაწვდომი იქნება მოქალაქეთათვის. შეიქმნება ყველა წინაპირობა, რომ სასამართლოში მოსულ მოქალაქეს, რომელსაც არ აქვს შესაძლებლობა ჰყავდეს დამცველი ან წარმომადგენელი, პროცედურების გამარტივებისა და დახვეწის გზით, თავად შეძლოს თავისი დარღვეული ან სადავოდ ქცეული უფლებების დაცვა. ჩვეულებრივმა რიგითმა მოქალაქეებმა იგრძნონ და ირწმუნონ, რომ სასამართლო მათი უფლებების სადარაჯოზეა და კანონმდებლობის ფარგლებში აუცილებლად გაუწევს საჭირო დახმარებას. 
                                          

09.04.16
დღეს, თბილისის საქალაქო სასამართლოში რამდენიმე იმიტირებული პროცესი სკოლის მოსწავლეებისა და სტუდენტების მონაწილეობით გაიმართა.
 
”ახალგაზრდა კრიმინოლოგთა ჯგუფის” ორგანიზებით ნაფიც მსაჯულთა ორი იმიტირებული სასამართლო სხდომა ჩატარდა. პროექტში - ” სკოლის მოსწავლეთა იმიტირებული პროცესების ოლიმპიადა” მონაწილეობას საქართველოს მასშტაბით  საჯარო სკოლებიდან შერჩეული მოსწავლეები იღებენ. 
 
იმიტირებულ პროცესზე განზრახ მკვლელობის მცდელობის სისხლის სამართლის საქმე განიხილეს სხვადასხვა უმაღლესი სასწავლებლის იურიდიული ფაკულტეტის სტუდენტებმა. პროცესი ”სამართლებრივი მხარდაჭერის ჯგუფისა” და ილიას სახელმწიფო უნივერსიტეტის სამართლის სკოლის კლუბის ”სტუდენტური სასამართლოს” ორგანიზებით გაიმართა.
 
იმიტირებული სასამართლო სხდომები სოხუმის სახელმწიფო უნივერსიტეტის იურიდიული ფაკულტეტის სტუდენტებმა სასწავლო პროგრამის ფარგლებში ჩაატარეს. სტუდენტებმა სასამართლოში საქმის წარმოების სამივე ეტაპზე (აღკვეთი ღონისძიების სახის შერჩევის, წინასასამართლო და არსებითი განხილვის სხდომები) განზრახ მკვლელობის საქმეზე იმსჯელეს. აღნიშნულ საქმეზე არსებითი განხილვის იმიტირებული პროცესი ნაფიც მსაჯულთა მონაწილეობით გაიმართა.
 
თბილისის  საქალაქო სასამართლო მომავალ იურისტებსა და იურისპრუდენციით დაინტერესებულ ახალგაზრდებს წარმატებას უსურვებს.
 
     
 
     
 
      
 
 
ბეჭდვა
Created By: Pro-Service Copyright © 2008 . All Rights Reserved.