GEOENG
   
 
 საზოგადოებრივი სასამართლო
 
საზოგადოებრივი სასამართლო გულისხმობს თბილისის საქალაქო სასამართლოს დაახლოებას საზოგადოების ფართო წრეებთან, მოქალაქეთა ჩართვას მართლმსაჯულების განხორციელების პროცესში, მათი პრობლემების გადაჭრას და რაც, ყველაზე მთავარია, დანაშაულის პრევენციაზე ზრუნვას. საზოგადოებრივი სასამართლოს დახმარებით შესაძლებელია საზოგადოების სამართებლივ ცნობიერებაში გარდატეხის შეტანა, მოქალაქეთა მართლშეგნების ამაღლება, რაც საშუალებას მიცემს მათ გაცილებით ობიექტურად შეაფასონ სასამართლოში მიმდინარე პროცესები. თავად განსაჯონ თუ რაოდენ დიდ პასუხისმგებლობასთანაა დაკავშირებული გადაწყვეტილების მიღება.
პროექტის ფარგლებში საზოგადოებრივი სასამართლო გაცილებით უფრო ხელმისაწვდომი იქნება მოქალაქეთათვის. შეიქმნება ყველა წინაპირობა, რომ სასამართლოში მოსულ მოქალაქეს, რომელსაც არ აქვს შესაძლებლობა ჰყავდეს დამცველი ან წარმომადგენელი, პროცედურების გამარტივებისა და დახვეწის გზით, თავად შეძლოს თავისი დარღვეული ან სადავოდ ქცეული უფლებების დაცვა. ჩვეულებრივმა რიგითმა მოქალაქეებმა იგრძნონ და ირწმუნონ, რომ სასამართლო მათი უფლებების სადარაჯოზეა და კანონმდებლობის ფარგლებში აუცილებლად გაუწევს საჭირო დახმარებას. 
                                          

04.04.16
თბილისის საქალაქო სასამართლოში იმიტირებული სასამართლო პროცესები გაიმართა. 
 
ინოვაციური განათლების ცენტრის პროექტის ”STUDENT PROGRESS” ფარგლებში თბილისის სხვადასხვა უნივერსიტეტის (თსუ, ილიას სახელმწიფო უნივერსიტეტი, კავკასიის საერთაშორისო და ა.შ.) სტუდენტებმა ნაფიც მსაჯულთა მონაწილეობით იმიტირებული სასამართლო პროცესი გამართეს. ნაფიცმა მსაჯულებმა განზრახ მკვლელობის სისხლის სამართლის საქმე განიხილეს. პროცესის დასრულების შემდეგ კი პროექტის მონაწილე სტუდენტებს ინოვაციური განათლების ცენტრის სერთიფიკატები გადაეცათ. 
 
პარალელურად, ”ახალგაზრდა კრიმინოლოგთა ჯგუფის” პროექტის ”სისხლის სამართლის იმიტირებული პრიცესები” ფარგლებში თბილისის სხვადასხვა სკოლის მე-8, მე-9, მე-10, მე-11 და მე-12 კლასისი მოსწავლეებმა ნაფიც მსაჯულთა მონაწილეობით ორი იმიტირებული პროცესი გამართეს და განზრახ მკვლელობის სისხლის სამართლის საქმეები განიხილეს. აღნიშნული პროექტის მიზანია სკოლის მოსწავლეებში ნაფიც მსაჯულთა ინსტიტუტის გაცნობა, სამოქალაქო ცნობიერიების ჩამოყალიბება და სამართლებრივი თვითშეგნების ამაღლება. პროექტის ფარგლებში ნაფიც მსაჯულთა კიდევ ორი იმიტირებული პროცესია დაგეგმილი თბილისის საქალაქო სასამართლოში. 
 
თბილისის საქალაქო სასამართლო მხარს უჭერს ახალგაზრდების ინიციატივებს, რომლებიც მათ პროფესიულ განვითარებას ემსახურება და მზადყოფნას გამოთქვამს მომავალშიც გააგრძელოს მათი მხარდაჭერა.
 

ბეჭდვა
Created By: Pro-Service Copyright © 2008 . All Rights Reserved.