GEOENG
   
 
 საზოგადოებრივი სასამართლო
 
საზოგადოებრივი სასამართლო გულისხმობს თბილისის საქალაქო სასამართლოს დაახლოებას საზოგადოების ფართო წრეებთან, მოქალაქეთა ჩართვას მართლმსაჯულების განხორციელების პროცესში, მათი პრობლემების გადაჭრას და რაც, ყველაზე მთავარია, დანაშაულის პრევენციაზე ზრუნვას. საზოგადოებრივი სასამართლოს დახმარებით შესაძლებელია საზოგადოების სამართებლივ ცნობიერებაში გარდატეხის შეტანა, მოქალაქეთა მართლშეგნების ამაღლება, რაც საშუალებას მიცემს მათ გაცილებით ობიექტურად შეაფასონ სასამართლოში მიმდინარე პროცესები. თავად განსაჯონ თუ რაოდენ დიდ პასუხისმგებლობასთანაა დაკავშირებული გადაწყვეტილების მიღება.
პროექტის ფარგლებში საზოგადოებრივი სასამართლო გაცილებით უფრო ხელმისაწვდომი იქნება მოქალაქეთათვის. შეიქმნება ყველა წინაპირობა, რომ სასამართლოში მოსულ მოქალაქეს, რომელსაც არ აქვს შესაძლებლობა ჰყავდეს დამცველი ან წარმომადგენელი, პროცედურების გამარტივებისა და დახვეწის გზით, თავად შეძლოს თავისი დარღვეული ან სადავოდ ქცეული უფლებების დაცვა. ჩვეულებრივმა რიგითმა მოქალაქეებმა იგრძნონ და ირწმუნონ, რომ სასამართლო მათი უფლებების სადარაჯოზეა და კანონმდებლობის ფარგლებში აუცილებლად გაუწევს საჭირო დახმარებას. 
                                          

15.02.16

თბილისის საქალაქო სასამართლოში იმიტირებული სასამართლო პროცესები გაიმართა.

”ახალგაზრდა კრიმინოლოგთა ჯგუფის” პროექტების - ”არასრულწლოვანთა განვითარების პროგრამა” და ”სტუდენტთა სტაჟირების პროგრამის” ფარგლებში, ნაფიც მსაჯულთა მონაწილეობით  დასკვნითი იმიტირებული სასამართლო სხდომები გაიმართა.  ნაფიცმა მსაჯულებმა განზრახ მკვლელობის სისხლის სამართის საქმეები განიხილეს. 

”არასრულწლოვანთა განვითარების პროგრამა” და ”სტუდენტთა სტაჟირების პროგრამა” აერთიანებს თბილისის საჯარო სკოლების მოსწავლეებს და სხვადასხვა უნივერსიტეტის სტუდენტებს მე-3 კურსის ჩათვლით. პროგრამის მიზანია სკოლის მოსწავლეებში სამართლებრივი თვითშეგნების ამაღლება, ხოლო სტუდენტებისთვის თეორიული ცოდნის პრაქტიკაში გამოყენება. პროექტის ფარგლებში თბილისის საქალაქო სასამართლოში სულ 7 სასამართლო პროცესი ჩატარდა.

თბილისის საქალაქო სასამართლო მხარს უჭერს ახალგაზრდების ინიციატივებს, რომლებიც მათ პროფესიულ განვითარებას ემსახურება და მზადყოფნას გამოთქვამს მომავალშიც გააგრძელოს მათი მხარდაჭერა.

    
 
  
ბეჭდვა
Created By: Pro-Service Copyright © 2008 . All Rights Reserved.